Do‘stlik tumanidagi oilaviy nodavlat maktabgacha ta’lim tashkilotida 2−3 nafar bola nazoratsiz qolishi tufayli ko‘chaga chiqib ketdi. Ularning biri ariqqa tushib ketib, vafot etdi. Holat yuzasidan prokuratura tergovga qadar tekshiruv o‘tkazmoqda. Maktabgacha ta’lim agentligi mazkur bog‘cha yopilishini ma’lum qildi.
Toshkent viloyatining Angren shahrida uchta bolalar bog‘chasining 18 nafar tarbiyalanuvchisi ich buzilishi tashxisi bilan kasalxonaga yotqizildi. Maktabgacha va maktab ta’limi vazirligi vaziyatni nazoratga oldi.
Marhamat tumanidagi nodavlat maktabgacha ta’lim tashkilotida tarbiyachi bolalar tanasining turli qismlariga tarsaki tushirgani aniqlandi. U lavozimidan ozod etilib, bog‘cha rahbariyatiga intizomiy chora qo‘llandi.
“Gazeta.uz” surishtiruvidan so‘ng Toshkentdagi bog‘cha direktorining 15 yoshli o‘g‘li 4 nafar qizchaga tegajog‘lik qilgani bo‘yicha jinoyat ishi ochildi. IIV tergov davom etayotganini, Bosh prokuratura va Maktabgacha ta’lim agentligi holat qat’iy nazoratga olinganini bildirdi.
Chilonzordagi 230-sonli bolalar bog‘chasida direktorning 15 yoshli o‘g‘li 4 nafar qizchaga, ular uxlashga yotgan vaqtida tegajog‘lik qilgani aytilmoqda. Bunga kamida 3−4 nafar bola guvoh bo‘lib qolgan. Direktor esa buni “tuhmat” deb atamoqda va qizchalarning o‘zini tarbiyasizga chiqardi. “Gazeta.uz” surishtiruvi.
Farg‘ona viloyatida tarbiyalanuvchisi qarovsizlik oqibatida chiqib ketib, suvga cho‘kib vafot etgan bolalar bog‘chasining barcha mansabdor shaxslari va xodimlariga nisbatan jinoyat ishi qo‘zg‘atildi. MTTda talon-toroj holatlari ham aniqlangan.
Samarqand shahridagi bog‘chalardan birida yong‘in sodir bo‘ldi. Hodisa oqibatida jabrlanganlar yo‘q. Yong‘inning kelib chiqish sababi va moddiy zarar miqdori aniqlanmoqda.
Surxondaryoda bolalarga baqirib, qo‘pol ravishda muomala qilgan tarbiyachining videosi tarqalganidan so‘ng, u vazifasidan ozod etildi. Yordamchi tarbiyachiga nisbatan intizomiy hayfsan jazo chorasi qo‘llandi.
Xorazm viloyatidagi maktabgacha ta’lim tashkilotining ochilish marosimida bolalar yupun kiyimlarda ishtirok etgan. Ushbu holat ijtimoiy tarmoqlarda muhokamalarga sabab bo‘lgach, xodimlarga intizomiy chora ko‘rilishi ma’lum qilindi. Mas’ul tashkilot tadbir kuni ob-havo issiq bo‘lganini ta’kidlamoqda. Biroq suratda mutasaddilar bolalarga qaraganda issiqroq kiyimda ekanligini ko‘rish mumkin.
Zangiota tumanidagi davlatga qarashli bolalar bog‘chalarining birida direktor 2014 yildan beri 37 nafar haqiqatda ishlamagan shaxsga oylik hisoblagani aniqlandi. U tegishli hujjatlarga soxta ma’lumotlarni kiritib, asli yo‘q ishchilarning oyliklarini plastik kartaga tushirish orqali o‘zlashtirgan.
Respublikada mavjud bolalar bog‘chasiga 2,7 mln bolaning qariyb 61 foizi qatnaydi. 2017-yilda bu ko‘rsatkich 27,7 foiz bo‘lgan. Ular bilan esa jami 116 996 nafar pedagog shug‘ullanadi. Prezident 2023-yilda maktabgacha ta’lim qamrovini 75 foizga yetkazish topshirig‘ini bergan.
Navoiy viloyati Konimex tumanidagi bolalar bog‘chasining yorilgan devori 4 mlrd so‘mga qurilgan yangi binoning ichki qismi ekani tasdiqlandi. Viloyat hokimligining maxsus komissiyasi esa ochilishdan oldin binoni qabul qilib olgan.
Qo‘shimcha imkoniyatlarga ega bulish uchun saytda ro‘yxatdan o‘ting